O PSOE de Boiro aposta forte pola voz da cidadanía e das empresas. A industria e o mar, do que dependen (directa e indirectamente) milleiros de familias, están no seu punto de mira. Neste senso, o grupo de José Ramón Romero, un colectivo muldisciplinar e con “coñecementos en todos os sectores”, ten entre os seus retos acadar máis traballo e, tamén, máis traballo de calidade. Ou sexa: fomentar a creación de emprego ao tempo que se garanten a igualdade, a calidade de vida e as oportunidades. Isto, sinala o grupo, acompañarase dun forte impulso ao comercio local.
A lista do PSOE de Boiro está liderada por José Ramón Romero García, José Luis Ruiz Laíño, José Marcos Fajardo Outeiral, María Luísa Outeiral Campos, María Luísa Collazo Tubío, Raúl Romero Treus, José Navarro Antón, Carolina Buig Fernández, José Joaquín Noal Martínez e María de la Cruz Maneiro Paz.
