José Manuel Vilas, candidato ribeirense do PSOE, manifestou o seu interese de loitar a prol da transparencia, da participación e de devolverlle a voz á cidadanía en materia de vida pública. O grupo do PSOE local queren dar unha viraxe ao rumbo seguido por Ribeira nas lexislaturas recentes, un cambio de dirección que teñen “moi claro” de que maneira debe darse e cara a onde: cara ao emprego, o emprendemento, as oportunidades para as empresas (co novo polígono industrial no punto de mira), a mellora nos accesos e a loita contra o despoboamento.
Acompañan a José Manuel Vilas os seguintes cabeza de lista: Rita Rial, José Manuel Suárez-Puerta, Paula Pérez, Herminio Caamaño, Dolores Fernández Guillán, Manuel García, Eva Castro Calo, Emilio Pérez Calviño, Pilar Dios Arestín e Francisco Martínez Romero.
