Samuel Koufie, mariñeiro ghanés e residente galego, sobrevivente do afundimento en augas de Terranova do pesqueiro galego Villa de Pitanxo, tiña razón cando acusou ao patrón do buque, José Enrique Padín, de nikn ter feito o que debía cando, na mencida do 15 de febreiro de 2022, recollían e “metían” a bordo os aparellos cunha gran copada de peixe.
Así se tira do informe que a Comisión de Investigación de Accidentes e Incidentes Marítimos (CIAIM) coñecido este mércores, que conclúe que o naufraxio do pesqueiro de Marín-no que faleceron 21 dos seus 24 tripulantes- foi “un erro humano do capitán pola falta de percepción cabal do risco de afundimento que supoñía a manobra que realizou no seu intento de librar o embarre do aparello do fondo mariño, con mar e vento de popa e a tolva de descarga de refugallos aberta, o que poñía en grande risco a seguridade do buque e os seus tripulantes”.
Para o CIAIM, a demora coa que o patrón dou a orde de abandono de buque á tripulación, condicionou a realización desta operación de xeito ordenado “e con algunha probabilidade de éxito”.
Pola outra banda, o descoñecemento ou “falta de familiarización dos tripulantes coas súas obrigas e funcións atribuídas no cadro orgánico para situacións de emerxencia”, foi outro factor contribuínte do accidente, poñendo en dúbida a formación a bordo e a falta de realización de exercicios periòdicos de abandono de buque, feito que amáis do patrón, implica á casa armadora.
Un dos factores que inciden neste accidente é a carencia dunha escada na parte de estribor, dende a cuberta de oficiais. que constituiría un medio rápido de evacuación dende a cuberta aberta á intemperie e ao mar, cara as balsas salvavidas.
Nas súas conclusións, o CIAIM determina que as malas condicións do mar -que cualifica de adversas-e meteorolóxicas que habìa no lugar, se ben non eran de estrema dureza como para a consellar poñerse á capa agardando unha melloría no tempo, sen dúbida dificultaría a manobra para librar o embarre.
