O Concello de Porto do Son comezou o ano con varias iniciativas de acondicionamento en arredor dunha ducia de núcleos tradicionais, poñendo o foco na posta a punto dos accesos e das infraestruturas. Estes proxectos centráronse sobre todo en optimizar estradas, camiños e canalizacións e tamén en achegar máis seguridade, limpeza, mobilidade e accesibilidade. Actuouse en Xío (Noal), en Miñortos e tamén na Arnela, no Outeiro e na vila de Porto do Son, poñendo a punto as tubaxes de auga.
Acondicionamento e limpeza do núcleo de Xío e dos seus accesos.
Acondicionamento de fontes na parroquia de Miñortos e Noal, dos seus accesos e da súa contorna.
Acondicionamento de accesos en Orellán, na parroquia de Baroña.
Acondicionamento de accesos en Valcunqueiro, en Goiáns.
Limpeza e acondicionamento no núcleo do Outeiro, en Porto do Son, e en Xuño.
