A Mancomunidade Barbanza- Arousa participará en FITUR 2024 coa presentación “Viaxe a través dos sabores”

23 Xaneiro 2024

Barbanza Arousa presentarase na Feira Internacional de Turismo FITUR o próximo día 25 de xaneiro ás 16:15 horas apelando ás emocións dun destino por descubrir

A Mancomunidade Barbanza Arousa participará na próxima edición de FITUR 2024 cunha presentación no stand de Turismo de Galicia o xoves día 25 ás 16:15 horas.
Acompañando cun audiovisual, a Mancomunidade realizará unha presentación na que se reivindicará a posta en valor dos traballos vencellados ao mar como a conserva ou a salgadura, estreitamente ligados á riqueza enogastronómica do territorio.
“Viaxe a través dos sabores” pretende revalorizar tanto para os visitantes e turistas do destino como para a propia poboación local, a importancia que desde sempre tivo o mar e as actividades industriais unidas ao mesmo, coas excelencias gastronómicas que
se atopan no territorio.
O audiovisual que presentará Barbanza Arousa é un extracto do documental “Voces da Conserva”, estreado o pasado día 17 de xaneiro no Pazo de Goiáns. Esta produción audiovisual ven dar apoio documental e histórico ás diferentes accións que se están a
desenvolver no territorio a través do Plan de Sustentabilidade Turística, profundamente vencellado coa enogastronomía e os traballos e industrias que nos permiten, desde tempos antigos, desfrutar das xoias gastronómicas de Barbanza Arousa.
Preséntase polo tanto Barbanza Arousa como un destino no que a emoción das historias das máis antigas raíces do territorio poden ser desfrutadas a través dos seus produtos gastronómicos.
Este acto poderá seguirse en directo a través da web www.barbanzarousa.gal ou a través do Facebook de Barbanza Arousa.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.