O Concello de Boiro celebrou este venres na Casa da Cultura de Boiro a Gala do Deporte 2023 que homenaxea aos deportistas e clubs do municipio máis destacados neste último ano.
No acto fíxose entrega de 71 premios a deportistas e clubs e unha mención especial que, nesta ocasión foi para Bárbara Gómez Oubel, piloto de rally boirense falecida no mes de setembro mentres disputaba a segunda edición do Rally del Valle de Laciana en León.
O acto que estivo presentado polo xornalista deportivo Terio Carrera contou coa presenza do alcalde de Boiro, José Ramón Romero; o deputado provincial de Deportes, Antón Leira; e o concelleiro de Deportes, Marcos Fajardo.
