A Aula CeMIT de Ribeira impartirá novos cursos tecnolóxicos nos meses de febreiro e marzo

15 Xaneiro 2024

O concelleiro de Novas Tecnoloxías de Ribeira, Francisco Suárez-Puerta, presentou este luns 15 de xaneiro os novos cursos de dixitalización cidadá que se impartirán na Aula CeMIT durante os meses de febreiro e marzo. O primeiro será de Ofimática con Libreoffice, a impartir do 5 de febreiro ao 27 de marzo; os luns e mércores de 9:30 a 11:00, no que se ensinarán conceptos básicos para operar con procesadores de texto, follas de cálculo e diapositivas.

O segundo curso será de Competencias Básicas Dixitais e celebrarase do 5 de febreiro ao 27 de marzo en horario de 11:30 a 13:00 os luns e os mércores. “Esta actividade formativa estará destinada a familiarizar ás persoas asistentes co entorno de traballo e as xanelas do sistema operativo, aprender a xestionar arquivos e cartafoles e a crear e editar contidos básicos con editores de texto, follas de cálculo e presentacións”, explicou Suárez-Puerta.

Por último, realizarase tamén un curso de Certificado Dixital – Sede Electrónica, do 13 ao 22 de febreiro, co propósito de “solicitar, renovar ou anular o certificado dixital”.

O Concello tamén realizará unha formación gratuíta en transformación dixital para pemes (pequenas e medianas empresas), emprendedores e persoas autónomas con novos módulos de turismo. “Aquí ensinaranse ferramentas e servizos de comercio electrónico, Administración Electrónica e mercadotecnia dixital. As formacións lévanse a cabo a través de sesións en liña ou presenciais de 90 minutos e adáptanse a todos os niveis, desde básico a avanzado”, explicou o concelleiro.

As inscricións para estes cursos poderanse realizar dende este luns 15 a través do tlf 981876043 ou ben no correo cemit.ribeira@xunta.gal.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.