A Asociación de Empresarios de Portosín (AEP) entregou o premio da súa Campaña de Nadal, un premio de 500 euros para investir en produtos e servizos dos establecementos de proximidade da vila. O sorteo realizouse este 7 de xaneiro na Casa da Cultura de Portosín, foi unha cita aberta á participación de toda aquela persoa que quixese asistir. A papeleta foi selada no establecemento de Agrícola Rodríguez. A AEP agradeceu a implicación da veciñanza co pequeno comercio de Portosín. De feito, o obxectivo da Campaña 2023-24 da patronal foi impulsar a actividade comercial na vila durante as pasadas festas de Nadal ao tempo que se premiaba e recompensaba a fidelidade de veciños e visitantes co sector local. A campaña estivo aberta até este 6 de xaneiro.
