Xa podemos inscribirnos na nova edición (a XI) da BTT Concello de Rianxo

04 Xaneiro 2024

O Concello de Rianxo, a través da Concellería de Deportes, informou da apertura do prazo de inscrición para unha nova edición da BTT Concello de Rianxo. A proba disputarase o vindeiro domingo 4 de febreiro.

Podemos elixir a distancia que mellor nos acaia (a ruta curta de 30 quilómetros, a media de 50 e a longa de 70), a través da web Emesports, onde figura toda a información que precisemos e os recursos para inscribirnos.

Organizan a Peña Cicloturista Castro Barbudo e a Área de Deportes do Concello. O número máximo de inscricións é de 500. O prazo para apuntarnos remata o 31 de xaneiro.

A XI Marcha BTT Concello de Rianxo/V Andaina consiste nun evento deportivo non competitivo en bicicleta de montaña dividida, en función da dificultade en tres rutas, que comezan todas elas na zona portuaria de Rianxo.

A saída darase ás 09:00 h. A hora de remate de cada proba virá marcada polo percorrido elixido.

A idade mínima para poder participar na BTT e na Andaina será de 18 anos. Aquelas que teñan entre 14 anos e 17 anos cumpridos, poderán participar cunha autorización asinada polo pai, nai ou titor/a, xunto cunha copia do DNI da persoa que a autoriza.

Será imprescindíbel o uso do casco para participar na marcha.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.