Cales son as responsabilidades das Administracións Públicas ou das entidades de dereito público ante o incumprimento das sentenzas xudiciais firmes? Con frecuencia sucede que, moitas administracións, entidades e organismos públicos, limítanse a demorar, no tempo, o acatamento das sentenzas xudiciais incorrendo nunha mala praxe e nun prexuízo económico para os seus asociados ou representados.
Cando ás administracións públicas se lles comunican as sentenzas firmes, algunhas, prefiren non acatar o cumprimento das mesmas, demorando os pagos e indemnizacións para logo ter que afrontar as condenas, cun interese máis elevados ou a posibilidade do embargo de bes, retribucións, subvencións e axudas públicas, prexudicando os intereses dos seus asociados ou representados, que na maioría dos casos somos todos os cidadáns.
Os membros dos equipos de goberno, xuntas directivas ou membros dos consellos de administración terían que responder cos seus propios patrimonios persoais, ante esas neglixencias e pasotismos institucionais. Non pode ser que se condene ao pago dunha indemnización e pola demora, a propósito e con mala fe, a entidade teña que abonar uns 80.000 euros a maiores. Quen paga esas irresponsabilidades? Pois os seguintes xestores, directivos ou responsables desas administracións, que é diñeiro de todos. Demasiado inxusto.
