O Concello de Ribeira entrega os premios dos concursos de Nadal

29 Decembro 2023

O Concello de Ribeira repartiu este venres 29 de decembro os premios dos concursos de decoración de Nadal en establecementos do comercio e da hostalaría locais. O tenente de alcalde Francisco Suárez, a concelleira de comercio Genoveva Betanzos e a concelleira de Cultura Antía Alberte, entregaron as cestas ás persoas propietarias de establecementos que se implicaron na decoración dos seus locais cunha temática de Nadal.

“Dámos os parabéns aos establecementos gañadores e animamos a que se animen moitos máis o próximo ano”, declarou Betanzos. A concelleira de Comercio asegurou que “este Goberno ten a firme vontade de potenciar o comercio local, por iso os premios son cestas confeccionadas por negocios de Ribeira e os premios monetarios son bonos para consumir na hostalaría e nos comercios do noso concello”.

Acto seguido entregáronse os premios ás mellores decoracións de vivendas, balcóns e xardíns de Ribeira e das parroquias. Este concurso outorgou premios cun importe total de 6.750€, distribuídos en tres categorías e tres premios para cada unha das nove parroquias do Concello de Ribeira. O primeiro premio foi un bono regalo por valor de 400 euros para gastar no comercio local, o segundo premio unha cesta por valor de 200 euros, e o terceiro unha cesta por valor de 150 euros.

Os edís Francisco Suárez e Antía Alberte concluíron o acto desexando á cidadanía unhas boas festas e felicitando ás veciñas e veciños premiados por animar estas datas coas súas decoracións, das que destacaron a súa calidade e vistosidade.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.