A 235 euros chegouse a poxar o quilo de percebe de Aguiño a tres días para a Noiteboa. Extráense nas rocas da comarca do Barbanza e están entre os de mellor calidade de Galicia, xunto aos da zona do Roncudo, na Costa da Morte, ou aos que proceden de Cedeira e Cariño, no Norte da Coruña.
Eses prezos desorbitados corresponden aos de mellor calidade e normalmente terminan en restaurantes de luxo, pero no mercado podemos atopar percebe a partir dos 80 euros o quilo. A 200 véndese na praza de Lugo da Coruña o de tamaño máis grande.
A tres días para a Noiteboa soben os prezos de peixe e marisco, como ocorre todos os anos.
No mercado de Santiago os postos están abarrotados de produto. A centola grande véndese a 35 euros en quilo, quince máis do que custaba cando empezou a campaña.
