Este mércores abriu as súas portas a nova Escola Infantil A Tomada, situada nunha das parcelas do polígono industrial pobrense, culminando así un longo proceso de dous anos desde que a Asociación de Empresarios da Tomada tomase a decisión de construíla para facilitar a conciliación dos centenares de traballadores que ocupan as súas industrias. O Presidente dos empresarios da Tomada desvelou ademais que pretenden presentar xa as solicitudes para adherirse ao programa de gratuidade das garderías de titularidade autonómica, concertadas ou privadas de iniciativa social, como é neste caso, para que os pais poidan ter a matrícula gratis para o seu segundo e seguintes fillos a partir do próximo 1 de abril.
