Unha persoa foi excarcerada do interior do vehículo no que sufriu unha saída de vía en Pobra do Caramiñal

20 Decembro 2023
Dotación de bombeiros do Consorcio Contra Incendios e Salvamento de A Coruña con base en Ribeira xunto con A D C Bombeiros Boiro veñen de rescatar unha persoa atrapada en accidente na AG-11 ao seu paso polo Concello da Pobra.

Un aparatoso accidente rexistrado na autovía de Barbanza preto das 17.30 da tarde deste mércores saldouse cunha persoa ferida de consideración. Trátase do condutor do único vehículo implicado no sinistro, un Seat Altea que se saíu da vía á altura da Pobra e deu varias voltas de campá antes de acabar fóra da calzada semivolcado.

O único implicado no accidente, que era incapaz de abandonar o vehículo polos seus propios medios, foi trasladado ao Hospital do Barbanza.

Faltaban uns minutos para as 17:30 horas da tarde cando o 112 Galicia recibiu o aviso de diferentes particulares informando do accidente ocorrido na AG-11, no quilómetro aproximado 35, na Pobra do Caramiñal. Segundo a información recollida polos xestores do 112 Galicia o coche quedou fóra da vía tras dar varias voltas de campá.

Axiña, desde o Centro Integrado de Atención ás Emerxencias-112 Galicia pasouse o aviso a Urxencias Sanitarias de Galicia e aos Bombeiros de Boiro e Ribeira, os cales tiveron que empregar o seu material de excarceración para liberar ao único ocupante do vehículo.

Cabe destacar que tamén foron informados os axentes da Garda Civil e da Policía Local e os membros de Protección Civil de Pobra do Caramiñal.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.