O PP de Ribeira rexeita que se antepoña a dedicación do POS+ 2024 a gasto corrente “en detrimento de actuacións nas parroquias”

20 Decembro 2023

O Partido Popular de Ribeira emitiu un comunicado no que mostra o seu rexeitamento “a que o tripartito pretenda antepoñer no POS+2024 da Deputación da Coruña a súa dedicación a gasto corrente, en detrimento de apostar polos servizos básicos nas parroquias tal e como sempre se fixo con este Plan Provincial”. Este comunicado foi emitido ante as manifestacións do alcalde de Ribeira, Luís Pérez Barral, nun acto celebrado a semana pasada con deputadas provinciais do BNG, no que se atopaban tamén outros membros do tripartito. Segundo di o PP de Ribeira, o rexedor afirmou que a intención é conseguir que “as arcas non estean nunha situación tan delicada como as deixou o goberno anterior”. Para os populares, “é sorprendente que o tripartito faga estas aseveracións cando vén de aprobar unhas contas de 37 millóns de euros nas que o aforro corrente é superior ao gasto corrente, cun aforro neto de máis de 3 millóns e medio de euros”. O PP di tamén que “só en dúas ocasións o Concello dedicou parte do POS a gasto corrente, pero sempre recorrendo ao POS adicional con partidas que en ningún caso chegaron a un terzo do total; o POS sempre foi un desafogo para o Concello á hora de realizar investimentos primordiais para todas as parroquias, priorizando a posta en marcha de servizos esenciais como a auga e o saneamento nos lugares onde aínda carecen dos mesmos, así como necesidades que nos marcaba a veciñanza a través dun proceso participativo que o anterior executivo puxo en marcha para dar voz a todos os veciños e veciñas do municipio á hora de elixir as actuacións que se consideraban de maior interese para as súas parroquias”.

Para os populares de Ribeira, “a decisión de dedicar a gasto corrente o POS, atribuíndose a opción de convertelo en inversión sen render contas a ninguén, é unha nova mostra da opacidade na forma de gobernar do Goberno tripartito, fronte aos veciños e fronte ao partido maioritario do Concello, ao que pretende calar: algo que se está a converter nun xeito habitual na forma de traballar do tripartito ribeirense”.

E engaden: “Dende o Partido Popular insistimos na necesidade polo ben de Ribeira de aportar a nosa experiencia de xestión nos asuntos relevantes que deixamos comezados. E mesmo en todos eses proxectos que van a poder ser unha realidade grazas a esa débeda coa que eles insisten unha e outra vez. Ou acaso queren renunciar ao club de deportes náuticos? Á biblioteca municipal? Aos fondos europeos que con tan bo criterio foron adxudicados a Ribeira como exemplo de xestión? Recordarlle ao goberno tripartito que se o anterior goberno foi capaz de acudir á débeda na lexislatura pasada estando en minoría foi grazas aos votos dos seus grupos única e exclusivamente”.

Outros artigos

Rianxo e A Estrada xa son oficialmente concellos irmáns

Este luns 19 de outubro formalizouse finalmente a sinatura do protocolo de irmandamento entre os concellos da Estrada e Rianxo, historicamente unidos polas figuras de Virxinia Pereira Renda (A Estrada) e Alfonso Daniel Rodríguez Castelao (Rianxo). A fraternidade...

+

Publicidade

Revista en papel

Opinión

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

“Sánchez y la fuerza del amor” – José Antonio Constenla

“Sánchez y la fuerza del amor” – José Antonio Constenla

Hay amores que mueven montañas y otros que, a juzgar por lo visto en Fuenlabrada, aspiran a mover algo más delicado: la opinión pública. Pedro Sánchez y Begoña Gómez se besan, bailan y se dedican un “Que lo escuchen, te quiero” ante los asistentes a un mitin del PSOE....

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.