O Concello de Lousame comparte o seu programa de Nadal (solidario, deportivo, creativo e participativo)

18 Decembro 2023

O Concello de Lousame tamén compartiu a axenda de actividades culturais para estas datas sinaladas, un compendio de propostas que poñen o foco na rapazada e nas familias, neste tempo de vacacións, pero tamén na solidariedade, no deporte, na participación e na creatividade.

Luns 18 de decembro. Concerto do Son do Pote e Panxoliñas

Auditorio da Casa da Cultura de Lousame, ás 19:00 horas. Organiza: Asociación Cultural O Son do Pote. Colabora: Concello de Lousame.

Sábado 23 de decembro. Andaina solidaria e Belén de Cumes

Andaina solidaria a favor da Obra Social de Pediatría do CHUS. Saída ás 10:00 horas da Praza do Concello para percorrer 10 km ata o mosteiro de Toxosoutos, onde se montará o Belén de Cumes. O acto rematará con panxoliñas e chocolate con churros. A volta á praza do Concello farase en autobús. Inscricións en www.emesports.es. Prezo: 6 euros. Organiza: Concello de Lousame.

Colabora: Asociación Galega de Heteroplasia Ósea Progresiva (ASGPOH).

Domingo 31 de decembro. Trail de Lousame 2023

O Concello convoca 600 prazas: 300 para o trail longo (25 km) e 300 para o trail curto (14 km). Os prezos son de 12 e 8 euros, respectivamente, e a inscrición estará aberta en www.emesports.es ata as 23.59 horas do mércores 27 de decembro. O acto rematará coa degustación dunha gran paella para todas as persoas participantes. Organiza: Concello de Lousame. Colabora: Futuranea.

Venres 5 de xaneiro. Recepción de Reis.

O auditorio da Casa da Cultura de Lousame acollerá, en horario de 10:00 a 14:00 horas, a tradicional recepción dos Reis Magos aos nenos e nenas do municipio. Entrada libre e de balde. Organiza: Concello de Lousame.

Venres 5 de xaneiro. Festival de Reis

O Polideportivo Pilar Barreiro Senra (A Silva) acollerá, en horario de 17:00 a 20:00 horas, un Festival de Reis que incluirá unha gran festa infantil con xogos, inchábeis e obradoiros. Así mesmo, haberá chocolate con churros para todas as persoas participantes. Organiza: Concello de Lousame.

Sábado 13 de xaneiro. Pequetrail Lousame 2023

De balde e sen límite de participantes, desenvolverase na contorna do Polideportivo Pilar Barreiro a partir das 16 horas. Inscricións en www.emesports.es. Organiza o Concello e colabora Futuranea.

Exposición Efectos Ópticos na Maxia.

A Casa da Cultura de Lousame acollerá durante as datas de Nadal a exposición Efectos Ópticos na Maxia, unha iniciativa incluída no Festival Festimaxia Lousame 2023. A mostra consta de diferentes paneis nos que se xoga coa perspectiva do espectador e se inclúe un texto explicativo do efecto óptico empregado. Organiza: Concello de Lousame. Colabora: Mago Teto.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.