A Casa da Cultura de Queiruga acollerá este sábado 16 de decembro a Festa de Santa Lucía de Queiruga, encadrada nas celebracións do Nadal da parroquia de Porto do Son. A axenda de actividades inclúe música en vivo a cargo da banda de Corrubedo (Ribeira) Os Bugis, experta en mesturar diferentes estilos (dende o rock ata o merengue) para facer sorprendentes versións de grandes éxitos nacionais e internacionais. A Festa de Santa Lucía está organizada pola Comisión de Festas de Queiruga. A previsión é que dea comezo a partir das 22.30 horas.
