O Concello de Porto do son, a través da área municipal de Cultural, programou para o 17 de decembro, domingo, un espectáculo para a rapazada. Trátase da función Estrafalaria, unha proposta da agrupación Xarope Tulú que visualiza a importancia do respecto á diversidade, cuestión imprescindíbel, en palabras dos creadores da obra, “para vivirmos nun mundo onde predomine a tolerancia, a diversidade e a convivencia”.
Será ás 17.30 horas na Casa da Cultura de Portosín.
Estrafalaria é un espectáculo que combina a narración oral coa manipulación de obxectos e onde o público participa activamente do relato. Os personaxes que interveñen na historia caracterízanse pola súa peculiaridade e levan a diferenza como bandeira.
