Barbantia celebra este sábado 16 en Lousame a gran festa da cultura do Barbanza (Premios Barbantia 2023)

13 Decembro 2023

A Asociación Cultural Barbantia celebra este 16 de decembro a gran festa anual da cultura no Barbanza. Estamos a falar da XVII Gala dos Premios Barbantia 2023, que se desenvolve este sábado ás 12.30 horas na Casa da Cultura do Concello de Lousame. A axenda, amais da gala en si mesma, inclúe un xantar de confraternidade no restaurante O Trapeiro. As inscricións poden facerse en barbantia@barbantia.es.

Os premiados

Barbantia deu a coñecer os días pasados os nomes das persoas e entidades galardoadas cos Premios Barbantia da Cultura 2023. Estes premios son outorgados tras o escrutinio dos votos emitidos polos socios da asociación. Entre os galardoados atópanse o pintor Xosé Luis Veiras Manteiga, natural de Santiago e residente en Noia desde 2001, será distinguido co Premio Barbantia á Traxectoria Cultural non Barbanza, o Centro Arqueolóxico do Barbanza, situado xunto aos castros de Neixón en Cespón, recibirá o Premio Barbantia á Iniciativa Cultural non Barbanza e por último Carlos Callón, escritor de Castiñeiras (Ribeira) e presidente de Mesa pola Normalización Lingüística de 2002 a 2014, recibirá o Premio Barbantia da Cultura Galega.

A entrega dos premios levará a cabo durante a gala dos XVII Premios Barbantia da Cultura 2023 o vindeiro sábado 16 de decembro na Casa de Cultura de Lousame. Como dixemos, o evento comezará ás doce e media do mediodía e tamén servirá como presentación do decimonoveno volume da publicación Barbantia. Anuario de Estudos do Barbanza. Así mesmo, realizarase a tradicional comida de confraternidade no restaurante Trapeiro en Merelle (Lousame), para a cal é necesario inscribirse antes do 15 de decembro enviando unha mensaxe á dirección de correo electrónico barbantia@barbantia.es.

Ademais, a gala de entrega de premios poderá ser seguida a través dunha transmisión en vivo na conta de Youtube da asociación cultural promotora dos premios.

Outros artigos

Publicidade

Revista en papel

Opinión

“Manuel ¿para qué sirve la música?”. Manuel Dominguez III

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.