A axenda do Novembro Cultural en Ribeira vén con presentacións, exposicións, concertos, proxeccións e funcións teatrais

14 Novembro 2023

Presentación da axenda cultural de novembro en Ribeira nunha imaxe de Alba Cambeiro

A concelleira de Cultura, Antía Alberte e o concelleiro de Festexos, Francisco-Suárez-Puerta, presentaron este martes 14 de novembro toda a actividade cultural programada para este mes de novembro no concello, acompañados de Puri Cores, da Asociación Amas de Casa e Alexandre Fontán, director da Coral Polifónica de Ribeira. A axenda comeza este venres 17 ás 21 horas, coa inauguración dunha nova mostra fotográfica no CC Lustres Rivas, de Manuel Rodriguez Pena. O mesmo venres preséntase ademais o libro Exeria, de Marisa Vidal no Conservatorio de Aguiño, a cargo da Asociación Francisco Lorenzo Mariño.

O sábado 18 ás 20 horas, con motivo de Santa Icía, patroa dos músicos, o Auditorio Municipal de Ribeira acolle un concerto no que actuará a Coral Polifónica Municipal, baixo a dirección de Alexandre Fontán; e as cantareiras das Amas de Casa de Ribeira.

O martes 21 celebrarase o concerto do cuarteto Haydn en Guláns, promovido pola Deputación da Coruña, a través do Programa 4×3. O 26 de novembro ás 17:00 terá lugar no Centro Recreativo de Artes o acto de entrega dos premios Certame de Poesía da Asociación Albariza de Artes. Por último, o mércores 29 o CC Lustres Rivas acollerá a proxección do documental Lavadoiro de Ana Amado e Lois Patiño ás 19:00 horas.

Ademais, seguen as funcións da Mostra de Teatro de Ribeira. Farano o 17 de novembro con Feminíssimas (De STE Xeito Producións) e o 24 As que limpan (A Panadaría). A mostra rematará con Testosterona de Malasombra (o 1 de decembro) e con Criaturas (Grupo Municipal de Teatro de Ribeira), o 8 de decembro.

O concelleiro Francisco Suárez-Puerta reafirmou o seu compromiso de seguir a traballar para impulsar o tecido cultural no Concello e ampliar a oferta gratuíta de actividades e programacións.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.