Este martes 1 de agosto o Concello de Dodro, a través da súa Área de Cultura, abre oficialmente o prazo para a presentación das obras candidatas ao XXXVI Premio de Poesía Eusebio Lorenzo Baleirón 2023. O período para achegar contribucións ao certame ficará aberto até o vindeiro 22 de setembro de 2023. Quen precise máis información sobre o concurso e a presesenta convocatoria tena ao seu dispor, ademais das bases, no taboleiro de anuncios da sede electrónica municipal.
O Premio de Poesía Eusebio Lorenzo Baleirón do Concello de Dodro é un referente da creación poética galega, como tamén o é o certame que leva o seu nome, un dos máis antigos de Galicia, que trinta e catro anos despois da súa creación segue servindo de estímulo á produción lírica na nosa lingua. No ano 2021, foi merecedora deste galardón Clepsidras, primeira obra poética da consagrada escritora, Inma López Silva. En 2022 o certame recaeu na poeta lucense Brenda Mondelo pola súa obra Neve.
