O Concello de Ribeira, a través da concellería de Servizos Sociais Comunitarios, vén de publicar as bases para a selección do alumnado do Curso de Programa de Axuda no Fogar: hixiene persoal e mobilización de persoas dependentes.
“O propósito desta actividade formativa é proporcionar formación e cualificación laboral ás persoas usuarias dos servizos sociais para mellorar a súa empregabilidade”, explicou o concelleiro Vicente Mariño, engadindo que “a profesionalización deste tipo de coidados pode proporcionar oportunidades laborais no ámbito da atención sanitaria”.
A selección das persoas participantes farase pola orde de presentación no rexistro de entrada das solicitudes de participación, que están publicadas na páxina web do Concello.
O curso realizarase os sábados 11,18, 25 de novembro e 2, 9, 16 de decembro; en horario de 09:00
a 14:00 h nas Aulas de Formación Cristobal Colón.
