A Casa da Cultura de Dodro ten o vindeiro 16 de outubro unha cita co misterio. Será da man da narradora e escritora Antía Yáñez que representará un espectáculo a medio camiño entre narración e xogo de pistas: As rescatadoras. Trátase dunha función para nenas e nenos de entre 7 e 12 anos. A rapazada pode anotarse até o día 11 de outubro na Casa da Cultura 981 802 472.
Da man de Antía os cativos participarán nun xogo de pistas: nel, a rapazada descubrirá a súa biblioteca ou a súa casa da cultura desde unha nova perspectiva: contarán coa axuda das escritoras, as ilustradoras, as personaxes dos libros alí acubillados para resolver o misterio propostos e seguir as pistas de forma correcta para chegar á solución do enigma.
