A Asociación Galega de Apicultura, a través de DAGA Barbanza, vai organizar este sábado 14 de outubro unha actividade centrada na cultura do mel e das abellas, a partir das 10.00 horas. A xornada, que ten prazas limitadas, consistirá nun traballo colectivo (e de formación e divulgación) arredor da preparación das colmeas das abellas con vistas á invernada, e tamén porase o foco en como facer o control e a xestión do parasito varroa, que afecta aos enxames en diferentes estados do desenvolvemento das abellas. A cita será na Pobra do Caramiñal, entre as 10.00 e as 19.30 horas. Cómpre facer as inscricións no teléfono 609 831 755. O custe para socios será de 5 euros, e de 20 para non socios.
