O Tribunal Superior de Xustiza de Galicia confirmou a condena a un veciño de Ribeira por abusar sexualmente dunha moza nun ascensor. Os feitos ocorreron o 23 de xullo de 2019, cando a vítima subiuse ao elevador. Segundo recóllese na sentenza, que publica La Voz de Galicia, o home, co que gardaba unha relación de amizade ao residir no mesmo edificio, pediulle que lle dese un abrazo, e aproveitou o xesto para agarrala, morderlle o lóbulo da orella dereita e tentar bicala á forza.
Ademais, o documento pon de manifesto a intencionalidade do acto e deixa claro que o acusado se aproximou a ela «con ánimo de satisfacer os seus desexos sexuais».
O TSXG impúxolle o pago dunha indemnización de 5.000 euros así como o cumprimento dunha orde de afastamento que desde o 2019 non lle permite aproximarse a menos de 200 metros da vítima, o seu centro de traballo, o seu domicilio ou o dos seus pais, nin comunicarse de maneira algunha con ela.
