O mago Teto estará este sábado 14 de outubro na Casa da Cultura de Porto so Son, ofrecendo á rapazada (e aos maiores) o espectáculo familiar e didáctico A incrible historia da maxia. Será a partir das 18.00 horas.
Segundo explican dende a Área de Cultura do Concello, “trátase dun espectáculo que de seguro espertará o interese pola arte da maxia en grandes e pequerrechos/as” e que nos levará da man a “un apaixonante mundo no que as fantásticas e sorprendentes historias da maxia irán acompañadas de xogos de magos doutros tempos e de explicacións dos xogos máis representativos das décadas e dos séculos pasados”.
O espectáculo vén da man da Consellería de Cultura, ao abeiro do programa Ler Conta Moito, e do Concello.
