O Concello de Porto do Son informou de que xa están abertas as inscricións (a través da Área de Benestar Social e do teléfono 981 867 414) para o obradoiro de bailoterapia, unha actividade de envellecemento activo para persoas maiores de 60 anos e pensionistas maiores de 55. O curso, que comeza este mes de setembro, desenvolverase os luns en Porto do Son no Polideportivo de Santa Irene (a partir das 17.45 horas), os martes na parroquia de Xuño na Casa da Cultura (a partir das 18.00 horas) e os xoves en San Pedro de Muro na Casa da Cultura (a partir das 18.00 horas).
