A patronal boirense (ABE) presentou os detalles da súa nova campaña para este remate da tempada de verán: a campaña de volta ao cole, unha nova iniciativa de promoción comercial que premia a fidelidade dos clientes dos negocios asociados baixo o lema de Nesta volta ao cole, Enchemos o teu peto! Vaise desenvolver entre o 8 de setembro e o 8 de outubro e sortearanse 1.000 € en Bonos ABE divididos en 10 premios de 100€
Como indica o presidente da patronal Daniel García acerca dos obxectivos da nova campaña, “dende a ABE fixemos un esforzo por potenciar esta campaña sorteando 1.000€ en premios e os dividimos en 10 diferentes para que poidan chegar a mais clientes”.
O presidente engadiu que “esta campaña pretende axudar as familias que mercan nos establecementos asociados nunhas datas de moito gasto nas que precisan equipar aos nenos e nenas para a volta ao cole”.
Para participar os clientes deben realizar unha compra en calquera dos socixs da ABE, facer unha foto do tícket ou factura e rexistrala en www.abe.gal.
O sorteo será o 9 de outubro e nas rúas da localidade locen xa os paneis informativos da campaña en cadanseus monólitos de 2,5 metros.
A campaña está co-financiada pola Xunta de Galicia.
