O Concello de Rianxo informou de que a posta en funcionamento do centro terapéutico para persoas con alzhéimer e procesos de deterioro cognitiva (anunciada o mes pasado polo Goberno de Julián Bustelo, con inicio fixado para outubro) virá acompañada de actividades concretas para mellorar a atención e a saúde dos maiores do concello. Activa a túa Mente é un programa impulsado polo Concello e AGADEA, coa axuda de Caixabank, que contempla iniciativas específicas e directas para prever o deterioro cognitivo en persoas maiores de 65 anos e optimizar a súa calidade de vida, amais de fomentar o envellecemento saudábel.
Inclúe un cribado realizado por profesionais de AGADEA, un estudo optométrico e audiolóxico e obradoiros de envellecemento activo. As inscricións poden facerse no teléfono 672 705 053. As actividades celebraranse todos os martes de outubro a xuño. Celebraranse no Centro Social Liceo (no número 23 da rúa Rinlo). Habilitaranse dous grupos con diferentes horarios: un de 10.00 a 11.30 horas e outro de 11.30 a 13.00 horas. O límite será de 10 persoas por grupo.
