A Área de Deportes do Concello de Noia puxo en marcha, con este novo curso, unha nova edición das Escolas Deportivas Municipais. A axenda deste ano, moi envorcada en fomentar hábitos saudábeis entre a cidadanía, inclúe actividades vencelladas ás seguintes disciplinas e modalidades: pilates (luns en mércores cada hora dende as 9.00 horas), ioga (martes e xoves ao mediodía e martes e venres polo serán), ximnasia de mantemento (martes e xoves polo serán), ximnasia terapéutica (martes e xoves pola mañá), ximnasia postural (martes e xoves pola mañá) ou step (martes e xoves ao serán).
O prazo para formalizar a inscrición nos diferentes cursos estará aberto a partir deste martes 19 de setembro. As persoas interesadas en participar nas actividades poderán formalizar a súa inscrición na Oficina de Deportes do Concello de Noia, ou na sede electrónica municipal. Durante os vindeiros días, o Concello achegará máis información sobre os detalles das clases, incluída a súa localización definitiva. Máis información na oficina de Deportes do Concello (981 37 77 03).
