A Federación Galega de Comercio e a Asociación de Empresarios de Ribeira celebran este sábado o sorteo dos agasallos da campaña Mercar no teu comercio ten premio, impulsada polas dúas ditas entidades. Será este sábado ás 13.00 horas na praza do Concello. Asistirán o vicepresidente da Federación de Comercio da Coruña, José Antonio Seijas, o presidente da patronal ribeirense, Francisco Martínez Gude, e a concelleira de Promoción Económica, Emprego e Consumo do Concello de Ribeira, Genoveva Betanzos.
O evento final da campaña empezará ás 10.00 hs na mesma localización: no praza do Concello. Así, en as 10.00 e as 13.00 hs, poderán trocarse os tíckets das compras realizadas durante as datas de duración da campaña (do 16 ao 23 de setembro) por boletos para participar no sorteo en directo de 1.000 euros repartidos en tarxetas prepago de 300 e de 50 euros. Estas tarxetas deberán ser entregadas polos gañadores en novas compras no comercio de proximidade local.
Mercar no teu comercio ten premio é unha iniciativa de promoción do comercio de proximidade galego, organizada pola Federación de Comercio da Coruña, a Federación Galega de Comercio e a Consellería de Economía, Industria e Innovación – Dirección Xeral de Comercio e Consumo da Xunta de Galicia, coa colaboración neste caso da Asociación Empresarios Ribeira.
Así, todos os clientes de Ribeira que realizaran compras no comercio de proximidade entre o 16 e o 23 de setembro, poden participar no sorteo en directo destes 1.000 euros en premios.
