En Ribeira actualmente prestan servizo de garda cinco boticas que se atopan no centro urbano, Sanmamed, Ruiz, Reigosa-Villamil, Malecón e Inmaculada Cruce. Desde o próximo venres 29 de setembro entrarán nas quendas rotatorias outras cinco que están repartidas nas parroquias do concello.
Nun prazo de sete días que se iniciarán os venres, irán collendo o servizo nocturno de 22.00 a 9.30 horas un total de dez farmacias, turnándose cada semana una do centro urbano para a seguinte tocarlle a outra que se atopa nos arredores do centro de Ribeira. A primeira oficina farmacéutica en iniciar este novo calendario será a botica de Reigosa-Villamil, á que seguirá a de Salmón ( preto do hospital de Barbanza), e logo irán collendo a garda sucesivamente a de Sanmamed, a de Palmeira, a do Malecón, a de Castiñeiras, a de Inmaculada-Cruces, a de Aguiño, a de Francisco Ruiz e a de Carreira ata volver empezar..
A farmacia de garda ten que estar a menos de 15 minutos ou 15 quilómetros do punto de atención continuada (PAC). Ao non cumprir este requisito a botica de Corrubedo quedou fóra das gardas nocturnas.
A partir do 29 de setembro tamén se establece un horario de gardas diúrnas que permite que as boticas poidan permanecer estar abertas durante o mediodía (de 14.00 a 16.30 horas). Con todo, como as de Sanmamed, Malecón e Aguiño abren todos os días en horario ininterrompido de 9.00 a 22.00 horas.
Farmacia de Salmón
