Riveiro Coello presenta este venres “Hotel Carioca” no pazo de Goiáns

28 Setembro 2023

A Asociación Cultural Barbantia, a editorial Galaxia, La Voz de Galicia e o Concello de Boiro organizan este venres 29 de setembro a presentación do novo libro do escritor limiao afincado na nosa comarca Antón Riveiro Coello, Hotel Carioca, gañadora do I Premio Álvaro Cunqueiro de Novela. Ademais, de xeito complementario, darase a coñecer o suplemento número 187 do suplemento cultural A Voz de Barbantia elaborado pola dita asociación cultural e La Voz.

A dupla cita cultural desenvolverase este venres 29 de setembro ás 20.30 horas, no pazo de Goiáns, Boiro. Participarán María Xesús Blanco e Manuel Cartea (Barbantia), Marcos Calveiro (Galaxia) e Antón Riveiro Coello.

Hotel Carioca sitúanos no verán de 1982 durante os 13 anos de Helena, unha rapaza que entre outras dedicacións desenvolve o papel de lectora para a súa avoa, concretamente as cartas que lle chegan de Brasil da man do seu tío favorito, Leandro, até que un día chega unha misiva que dá unha viraxe á vida de Helena, que deberá asumir responsabilidades de escritora e de “construtora de realidades alternativas”.

Hotel Carioca é unha novela múltiple que contén outras novelas que van dende unha de formación a outra psicolóxica, pasando mesmo por unha policial. Cun estilo lírico, áxil e envolvente, Antón Riveiro aborda temas como a homosexualidade e a súa aceptación, os coidados, a eutanasia, a emigración, a amizade, a descuberta da sexualidade e, sobre todo, o fantástico e intuitivo mundo da creación artística.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.