O Concello de Boiro executa obras para a construción da cuberta no Pavillón Polideportivo da Cachada, unhas actuacións coas que está previsto eliminar as filtracións de auga na pista e que estímanse que rematen nun mes. Ademais destas obras, durante o mes de agosto vanse levar a cabo outras actuacións para o acondicionamento e mantemento xeral do vaso da Piscina Municipal, polo que as instalacións estarán pechadas ao público do 14 de agosto ao 4 de setembro.
Segundo explica o Concello, “con esta actuación vaise instalar unha estrutura metálica para a cuberta do pavillón que lle proporcione unha maior pendente e realizar unha cuberta a dúas augas”.
As obras ascenden a un importe de 172.702,09 euros e están financiadas con fondos propios.
O obxectivo desta actuación é “corrixir as deficiencias da cuberta e eliminar definitivamente as filtracións de auga para cando comece a época de choivas”.
