O Concello de Ribeira, a través da xunta de Goberno local, aprobou o reparto 150.000 euros en subvencións para clubs deportivos. Trátase dunha partida de axudas que, segundo sinalaron os membros do actual Executivo, estaba paralizada dende o ano 2022 polo anterior goberno local.
Os beneficiarios destas axudas son O Club Cidade de Ribeira, Club Natural Sport, Clube de Remo Náutico, Club S.D Xuventú Aguiño, Clube Natación Ribeira, Clube Atlético Oleiros, Carreira F.C, Clube Náutico Deportivo de Ribeira, Clube Kempo Barbanza, Clube Escola de Boxeo El Canario, Clube Voleivol Ribeira, Clube Patinaxe Ribeira, Clube Padel Ribeira, Clube Kenpo Ribeira, Clube Atletismo Ribeira, Clube Baloncesto Barbanza, Clube Deportivo As Miñoteiras, Clube Baloncesto Ribeira, Clube Deportivo Artes, Clube Palmeira, Clube AMPA O Grupo, Clube Windsurf Catro Ventos, Clube Peña Ciclista Tahume.
“Axilizar o pago das subvencións municipais é crucial para garantir unha distribución eficiente dos fondos destinados a proxectos de interese comunitario”, afirmou o alcalde Luís Pérez. “Dende o Goberno municipal seguimos a traballar para axilizar tamén o pagamento das subvencións ás ANPAS”.
