O Concello de Ribeira anunciou que o mercadiño de Aguiño, que se celebra tódolos luns de durante xullo e agosto, vai ampliar a súa actividade ate a segunda semana de setembro.
“En vista da afluencia dos postos de alimentación e téxtiles, e co propósito de promover a dinamización social e comercial en tódalas parroquias ribeirenses, o mercado de Aguiño celebrarase dúas semanas máis na rúa Castelao sempre que o tempo o permita”, explicou o concelleiro de Servizos Sociais e Mercados Municipais, Vicente Mariño, engadindo que “non só se trata de fomentar a venta local, se non tamén de crear un espazo onde os residentes poidan interactuar”.
