Membros do equipo de goberno de Ribeira mantiveron hoxe unha reunión con Carlos Gil, xefe en funcións da Demarcación de Costas de A Coruña no paseo do Coroso.
Durante o encontro abordáronse as reparacións que se realizarán no paseo debido á erosión da parte inferior do mesmo. “O paseo marítimo é unha zona moi vulnerable debido á acción constante das ondas e correntes, para contrarrestar este problema, é precisa a implementación de medidas de reforzo nos cimentos do mesmo.” explica Vicente Mariño, tenente de alcalde de Ribeira.
Asimesmo, durante a reunión tratáronse as necesidades de actuación e posibles vías de colaboración entre ambas administracións no tocante á obra de saneamento que o Concello está levando a cabo no paseo marítimo de Coroso.
