Rianxo contará a partir de outubro cun centro terapéutico para a atención de persoas maiores con deterioro cognitivo ou con demencias neurodexenerativas, como alzhéimer.
O obxectivo deste novo servizo, impulsado grazas á colaboración entre o Concello de Rianxo e a Asociación AGADEAR, é adiar o avance da enfermidade, traballar a memoria, a orientación, a linguaxe e o cálculo, así como mellorar a calidade de vida e as relacións interpersoais. As actividades realizaranse no baixo do Centro Social Liceo.
