Os veciños de Laíño organizan este sábado a Xuntanza Muiñeira para a limpeza do entorno dos Muíños da Arregañada Teaio

Chamada dos veciños de Laíño que organizan este sábado a Xuntanza Muiñeira para a limpeza do entorno dos Muíños da Arregañada Teaio. De sempre foron os veciños os que se xuntaban para axudarse uns a outros nos traballos comunais, nas restebas, nas mallas, nas limpezas dos regos que pasaban polas aldeas antes de que o formigón acabara con todo e nas canles que subministraban a auga para todos os muíños da aldea como no Rego de Teaio na Arregañada. Agora as aldeas van quedando sen mans que as poidan traballar, os muíños xa non teñen a función pola que foron construídos e é necesario tomar a iniciativa para non perder os elementos patrimoniais ligados á auga. E faino a Asociación de veciños San Xoán de Laiño convocando unha Xuntanza Muíñeira, na que se pide a colaboración de todos os veciños da parroquia para un traballo comunal de recuperación do noso patrimonio cultural porque cada vello que morreu na aldea e que traballou nestes muíños, debaixo deles dormen as cinzas de moitos outros que os precederon e que estou seguro que non querían ver o estado actual destes elementos que tanto traballo lles custou levantar.