Doce estudantes sénior da nosa comarca convertéronse na primeira promoción do IV Ciclo da Universidade de Santiago dirixido a persoas maiores de 50 anos na súa sede en Ribeira.
Este luns 26 de xuño acudiron ao salón de plenos do Consistorio local para entregar ao Concello unha simbólica orla cos retratos dos doce graduados (once mulleres e un home), once dos cales pertencen a Ribeira e unha ao da Pobra do Caramiñal.
O alcalde en funcións, Manuel Ruiz, recibiu a entrega e felicitou aos estudantes, cuxa participación ratifica o acerto de abrir unha sede permanente da USC na cidade barbanzá no 2019 para permitir que a xente poida seguir formándose e aprendendo, ademais de ser un xeito de socializar.
As/os graduadas/os foron Justo Arevalillo, Juana Ermitas Crujeiras, Ángeles González, Mari Carmen González, María José Gude, Ramona P. Monteagudo, Teresa Paz, Cruz Rivadulla, Yolanda Rodríguez, Isabel Rodríguez, Elena Romero e Teresa Villalba.
