O Concello de Ribeira informou do inicio dos traballos para substituír o céspede artificial do Campo de Fútbol de A Tasca, situado na parroquia de Aguiño: unha actuación que está sendo executada pola empresa Ouri Entretenimientos, S.L., e supón un investimento de 228.221,73 euros, IVE incluído.
Cunhas dimensións de 102×62 metros cadrados, o anterior terreo de xogo acusaba “un notábel desgaste derivado dun uso intensivo e do propio paso de tempo, ademais de abultamentos e depresións nalgunhas zonas, o que aconsellaba a súa renovación”. A tal efecto, desmontouse e retirouse a herba actual, incluído o árido, coa finalidade de situar no seu lugar un novo céspede sintético de última xeración mediante sistema tufting.
Tamén se colocará novo equipamento deportivo, incluíndo porterías de fútbol 11 e fútbol 7, e picas de córner abatíbeis con bandeiriñas.
O prazo de execución é dun mes e medio.
