O Concello de Ribeira informa da licitación das obras de pavimentación e renovación de servizos nas rúas Pai Feijóo e Arcebispo Xelmírez.
Cun orzamento de 91.310,84 euros e un prazo de execución de catro meses, con esta actuación perséguese renovar unha zona na que non existe rede separativa de saneamento e pluviais descorrendo
ambas augas por unha tubaxe de formigón e ademais carece nun tramo de rede de abastgecemento. Ademais, no pavimento pódese prezar numerosas roturas disgregacións.
Xa que logo, o que se pretende é mellorar a accesibilidade e as condicións de seguridade viaria a través dun novo firme consistente en formigón semipulido no que se intercalarán franxas de lousas de
pedra de granito. Ademais, se instalará o tramo que falta de abastecemento (55 metros de longo) e se instalarán sendas redes independentes de saneamento de 116 metros e augas pluviais de 75 metros.
As empresas interesadas dispoñen ata o 6 de xullo á medianoite para presentar as súas ofertas.
O investimento está incluído no Plan Provincial de Cooperación ás Obras e Servizos de Competencia Municipal (Plan Único de Concellos) POS+ 2022.
