O alumnado do Obradoiro de Emprego en Xestión Forestal Torre Goiáns II – Boiro está a realizar esta tempada tarefas de mantemento en puntos do Camiño de Santiago no Barbanza (A Orixe) ao seu paso por Boiro. Os traballos forman parte da programación didáctica do curso que desenvolve o Concello cunha duración de 12 meses contempla formación teórica e práctica.
As actuacións que o alumnado está a realizar son principalmente de poda e roza para o acondicionamento e mantemento das zonas polas que transcorre o camiño. O alumnado realiza a formación práctica do curso en diversas zonas naturais do municipio como son a contorna do Pazo de Goiáns, a contorna dos Castros de Neixón, o Monte do Sino ou Monte Peón para o acondicionamento dos espazos forestais.
O Obradoiro de Emprego en xestión forestal Torre Goiáns II – Boiro conta co financiamento da Xunta de Galicia e nel participan 20 alumnos e alumnas que reciben formación nas modalidade de Aproveitamentos forestais e Repoboacións forestais e tratamentos silvícolas.
