Un total de 25 persoas usuarias da Asociación A Creba visitaron en Ribeira a exposición de pinturas que, baixo o título de Os meus tempos, está a exhibir a artista Novais no Centro Cultural Lustres Rivas.
Alí, baixo a guía do técnico municipal de Cultura Unai González puideron en coñecer en profundidade o contidos dos lenzos, caracterizados polos seus fondos vivos e radiantes, con creacións que se interrelacionan para formar un conxunto rico en matices expresivos, tematicamente equilibrado e visualmente atractivo.
Presentación de Toponimia de Ribeira
Ademais, o Concello lembra que no marco da programación do Xuño da Cultura e as Artes, hoxe venres ás 20 horas está programada a presentación do libro Toponimio de Ribeira, de Fernando Cabeza Quiles.
Ademais do autor, o acto contará coas intervencións do alcalde en funcións Manuel Ruiz, o presidente da Real Academia Galega Víctor F. Freixanes, a presidenta de AGON Luz Méndez, o coordinador do Seminario de Onomástica da RAG Antón Santamaría e o presidente de Aatrigal Carlos H. Fernández Coto.
