Este sábado 3 de xuño a Alameda de Noia acollerá unha das paradas da Liga Galega de Break impulsada pola Xunta de Galicia. Pola mañá de 12:30 h a 13:30 h será a queda dos obradoiros formativos no espazo da xuventude (espazo xove), xa pola tarde de 16:00 h a 17:00 h celebrarase o rexistro de participantes. A cita conta coa colaboración da Asociación Vella Escola e do Concello de Noia.
A Liga Xunta de Galicia de Break é un programa para a mocidade consistente nun circuíto de competición composto por un total de 10 eventos espallados por toda a xeografía galega. Poden participar na liga, en calquera dos formatos e categorías de competición previstas, todas as persoas que teñan 6 ou máis anos. A competición vai dirixida a practicantes de Break de iniciación e tamén a avanzados, que poderán participar nas correspondentes categorías diferenciadas por nivel técnico.
