Todo vai segundo o previsto, e o vindeiro curso os alumnos do colexio Brea Segade de Taragoña gozarán da reformada terraza cuberta. Esta é a intención do Concello de Rianxo, que acaba de licitar a obra por 95.000 euros.
Esta é a segunda vez que se licita tras unha actuación prevista no plan único da deputación, quedando abandonado o proceso anterior despois de que ningunha empresa manifestase interese en acometer os traballos. O orzamento das obras increméntase agora en 33.000 euros con cargo a fondos propios do concello, para un total de 95.000 euros, que faga máis atractivo o proceso de licitación para as empresas. As empresas interesadas en realizar os traballos teñen ata o 18 de maio para presentar ofertas.Mostrar Cambios
