O Concello de Boiro executa obras para a mellora e reparación da pavimentación na vía de Curbera a Mavi en Cabo de Cruz, unhas actuacións fun importe de 61.545,45 euros que están financiadas pola Deputación da Coruña mediante o Plan Único Concellos (POS+ 2022).
As obras que se están a executar buscan unha solución a unha estrada de máis de 15 anos e que se atopaba cun importante estado de deterioro. As actuacións que se están a levar a cabo contemplan a renovación do pavimento para facilitar o tránsito rodado de vehículos, así como a accesibilidade da veciñanza.
