Comezou a conta atrás, no concello de Outes, para a nova edición (a de 2023) dunha das celebracións locais máis agardadas do ano: Pampallín. Desenvolverase o vindeiro domingo 30 de abril, novamente impulsada dende o Concello, co apoio da Deputación da Coruña.
O lugar elixido será unha vez máis a praza de Galicia a partir das 17:00 horas con actividades para a rapazada (xogos populares e tradicionais e inchábeis para nenas e nenos, todo amenizado pola música de Peque Disco Moc Moc) e xa a partir das 22:00 horas empezarán os concertos, primeiro coa ruada de Somdolilá, e logo, a partir das 23.00 horas, coa verbena do Grupo América e Ortiga e Pili Pampín, rematando o menú musical Discomóbil Chocolate.
A vertente gastronómica do evento festivo virá da man dunha polbeira.
A festa do Pampallín de Outes, para quen non o saiba, é unha celebración tradicional e histórica co-impulsada dende o Concello e a través da cal festéxase o ciclo da primavera e a purificación propiciada polo lume (representado polos fachos de palla que dende tempos inmemoriais empregaban os labregos para ver de noite).
