20190624. Os proxenitores do alumnado do centro pobrense EEI Fernández Varela tiñan programado un encontro para o venres da semana pasada con Indalecio Cabana, xefe territorial da Consellería de Educación, Universidade e Formación Profesional na provincia de A Coruña. O obxectivo era trasladarlle as súas queixas e tentar buscar unha solución, pero a xuntanza foi cancelada.
Segundo manifestou Ana Otero Pérez, nai dun escolar, anularon a cita porque lles comunicou que “non entendía o tema que se ía tratar, non estaba concertado por representantes da ANPA e ao alcalde tampouco quixo recibilo, xa que se quería falar con el debía pedilo por outra vía.” Aínda que si recibiu á nai dun neno do centro que ten un problema concreto.
Deste xeito, postergouse a reunión para o 8 de xullo á cal acudirá a ANPA.
