A suba nos prezos dos alugueres de vivenda xa teñen estabelecido un tope. Este foi fixado polo Goberno español, que acadou pechar a lei de vivenda coa axuda de ERC e EH Bildu, culminando deste xeito un dos máis importantes proxectos da lexislatura que remata este ano e do que só falta a súa aprobación polo Congreso dos Deputados, algo que acontecerá dentro dunhas semanas, cadrando -casualmente?- co comezo da precampaña das elecións municipais e autonómicas no Estado español.
A limitación na suba dos alugueres será do 3% a partir do ano 2024, que será cando remate o actual tope do 2%. A medida aprobada este xoves tenta pór remate aos incrementos “descontrolados” das rendas, cuestión esta de notable prexuizo para os alugados.
A proposta gobernativa sinala que o incremento das rendas pola actualización anual destas non poderá superar cada ano o 3%, e que a partir do 1 de xaneiro do 2025 entrará en vigor un novo índice inferior
á evolución do IPC.
A Lei de Vivenda contempla a rebaixa e a definición de “gran tenedor” de vivenda, penando a este a ter un máximo de cinco inmobles.
As comunidades autónomas poderán, en función das súas competencias e atendendo ás súas respectivas realidades, esa condición de “gran tenedor”,
Para o PSOE, o acordo é “unha conquista histórica” que resposta a unha das principais preocupación dos cidadáns garantindo o dereito a unha vivenda digna e axeitada en condicións asequibles.
Non obstante, coa aprobación desta lei tamén bai brandes perdedores: os fondos voitres -tan criticados, por exemplo en Madrid-, a banca (nomeadamente pola utilización das hipotecas e as cláusulas solo) e os especuladores, entre outros.
O paso dado polo Goberno español tapa e topa vías de escape de meros especuladores cuxa actuación sempre foi duramente criticada polos afectados.
